Dans på torget i Bodø sentrum. Foto: Noregs Ungdomslag / Daniel Heggelid-Rugaas

Nordlek møter Steinkjer på Torget laurdag 14. juli. Det blir dans, festtog og festoppvisning. Folkedrakter, flagg og faner gir feststemning i byen.

På torget blir det både god folkemusikk og danseoppvisningar.

På laurdagen skal eit fargesprakande festtog gå gjennom sentrum.

Når festtoget kjem får du ei innføring i folkedrakter som kjem forbi. Toget passerer Torgshowet på torget og bidrar til litt generell folkeopplysing om folkedrakter i Norden for publikum, før det ender opp i Rismelen der festoppvisinga skal vere.

Kanskje kan du også bli med på førstehjelpskurs i polsdans og smake på Nordlek-livet.

Festoppvisninga blir eit heilt spesielt arrangement der publikum og deltakarar får oppleve den felles nordiske kulturarven i eit massivt samspel. Dans, musikk og folkedrakter i ei fargesprakande mix.

Alle deltakarar som er med på øvinga på fredag er velkommen til å delta som aktørar. Alle andre er velkommen som publikum.

Dans på Bryggen i Bergen. Foto: Noregs Ungdomslag / Daniel Heggelid-Rugaas

Quality Grand Hotell har fram til no vore reservert avtalepartane i Nordleksystemet (medlemsorganisasjonane). Dei har no booka det dei har behov for, og alle Nordlekdeltakarane kan no få tilgang på dei resterande romma. Dersom de ønsker hotellrom på Grand, så ring booking + 47 741 64 700, eller skriv ein e-post: q.steinkjer@choice.no

Foto: Noregs Ungdomslag / Andreas Løken

Under Nordlek 2012 kan ein velgje mellom eit rikt utval av turar og utfluktar: mellom anna til Hatlingsetra, Namsskogan familiepark og ikkje minst grottevandring i Mork. 

Om lag 4 mil aust for Steinkjer ligg Mokk Gard, like ved snaufjell og villmark. Ein halv times gåtur frå Mokk Gard ligg eit gamalt gruveanlegg frå 1770-talet. Desse gamle kopargruvene har hatt mykje å seie for utviklinga av bygda og garden Mokk.

Onsdag 11. juni blir det ein guida tur for ei gruppe på maks 8 personar. Grupper på 4-8 personar kan bestille guida tur til andre tidspunkt.

Koparførekomsta i Gaulstadfjella vart oppdaga i 1760. Gruvefjellet ligg heilt oppe på kanten av snaufjellet, og koparen er å finne i grønstein og grønskifar som det er mykje av her. Sjølv om gruvedrifta berre varte i kring 20 år, kan mange Steinkjerfamiliar spore slekta tilbake til gruveslusk som arbeidde her.

Utsikta er flott, anten nedover Ogndalen mot Steinkjer, sørover mot Verdal eller inn mot Skjækar-fjella dersom ein går opp på toppen.

Vi kan organisere transport ved behov, mot eit lite tillegg i prisen. Sjå meir informasjon om turar og utfluktar i programmet.